Denne boka viser korleis ein kan arbeide med samtidslyrikk i klasserommet: skriftleg, munnleg, analytisk og kreativt. Samtidslyrikken er utgangspunkt for klassisk diktanalyse, for fagsamtalar, for fordjupingsemner, for diktopplesing, kreativ tekst og klassesamtalar om litterær kvalitet. Boka inneheld presentasjonar av nokre forfattarar og lesingar av utvalde dikt. Lesaren får i tillegg vere med på ei rekkje funderingar over spørsmål ein truleg berre møter i lyrikken: Korleis lyser epla på trea? Korleis måler ein universet med teskei? Kjersti Rognes Solbu og Jon Opedal Hove er begge norsklektorar ved Fyllingsdalen videregående skole. Omtalen er utarbeidd av BS.
