Oppstartsmøte for Lofoten og Vesterålen mållag

Me kallar inn til ope oppstartsmøte av Lofoten og Vesterålen Mållag tysdag 24. mars klokka 18:00 på Vågan bibliotek i Svolvær.

Møtet er ope for alle, du treng ikkje vere medlem i Mållaget for å delta. Dersom du vil bli medlem, kan du bli det der og då.

Me stiller med varm mat, kake og kaffi til alle som møter opp. Det blir vegetarmat for dei som ønsker det. Er det andre behov eller ønskjer, gje beskjed!

Program:
- Dag Kajander speler Jensine Olsen. Dag Kajander framfører nynorske tekster frå repetoaret til Jensine Olsens Plastikkband!
- Magne Heide, leiar i Harstad Mållag: Mållag og nynorsk i Lofoten og Vesterålen frå 1899 til i dag.
- Martin Arntzen, intiativtakar til LoVe Mållag: Om masteroppgåva Nynorsk språkdusj på mellomsteget.
- Ingar Arnøy frå Noregs Mållag: Stoda til nynorsk og målsaka i dag.Sakliste er sendt ut per e-post, og kjem til å ligge framme fysisk på årsmøtet